泰妹日記 - 網紅的藏寶箱
Home 泰妹日記

Search

泰妹日記

BKK x HK 肥妹一個 ❤️ 食好西 煮野食 Boxing Running Spot IG: thaimui_foodlover
早前泰妹去左柬埔寨 表達能力好差既我,我去之後 真係有感而發 想講出嚟同大家分享一下 城市窮妹深度之旅 每個人應該都會有一啲好想好想去既地方 我自己個人就覺得尼泊爾、西藏、北京、吳哥窟、冰島、布拉格、英國同埃及係我一生人必定要去 驚一個人旅行嘅我（其實係驚一個人住酒店） 想搵腳同我去某d地方其實係件好難事 今年淨係返泰國嘅我同好朋友講可唔可以同我去一去吳哥窟 講完冇兩日佢搵到平機票即刻買咗 所以我先有得出發 雖然我唔係去過好多地方 但係都叫做遠遠近近都去過下咁 柬埔寨係我去咁多個地方中 覺得最有意思嘅一個 係最震撼、最令到我思考嘅一個地方 去到第一日 我真係覺得呢一個地方仲鄉下過泰國 佢哋冇乜交通工具 最主要嘅交通工具就係tuk tuk同電單車 第二日我哋租左一架車遊外圈同大圈 去到第一寺時 我已經不停嘩嘩嘩 佢地點做 點解可以咁勁？ 點解可以咁靚 寺，感覺上個個都差唔多 但其實你去到 會發現每一個都會有唔同既感覺 都會搵到個屬於佢哋嘅詞語 仲有唔同嘅震撼 一日去左間去左六、七間寺 其實我覺得係辛苦嘅 睇上去梯級好似好易行 其實有d係好直好大級 係有淆底嘅感覺 第三日呢日係最辛苦嘅一日 我哋同一時日join左兩個tour 凌晨三點鐘起身四點鐘出發去小吳哥睇日出 我最期待嘅日出...我終於見到 雖然唔係我原先諗嘅咁樣 但真係真係覺得靚嘅 同埋去咗比較最出名嘅兩個寺 塔普倫寺同去搵微笑的高棉 緊接住我哋下就join左個坐船嘅團 呢個團係睇吓當地高架屋既村 去嘅途中其實都覺得好驚險 因為個陣落緊大雨，而行嘅路我覺得一車喎其實都幾大鑊 驚好耐終於到達目的地 第一下覺得好新奇 覺得點解d屋會起到咁高 佢哋點樣爬上去 同時間我覺得其實有啲難過 點解佢哋好似動物園裏面嘅動物要比我哋去參觀佢哋住緊嘅地方 其實好似係一個好殘忍嘅事 我諗大家都唔鍾意俾大家參觀自己屋企啦 沿途你會見到好多人喺度捕魚、潛落水底唔知搵乜、沖涼及游水等等，但其實呢條係一條好污糟嘅河... 個下我唔敢想像我喺度我點過 睇住佢哋真係我哋香港人其實真係好幸福 第四日返香港之前我哋都去咗個比較遠嘅崩密列寺 原來呢一區嘅寺廟印度教為多 會睇得出佢哋嘅雕塑同吳哥窟係有分別嘅 呢到呢到又係一個超級宏偉嘅景象 點解啲樹可以高度咁 點解啲石可以咁大但又爛到咁 點解啲青苔怖滿到好似Royce 綠茶朱古力 點解可以咁大 點解條路整得咁靚 點解有條咁嘅秘道 十萬個點解 去完每個寺廟 都好想返去搵返佢哋嘅故事 我哋都有返去check返啲歷史 但發覺其實有部份佢哋嘅記載都唔係咁清楚 好難知道返佢哋嘅歷史 除咗睇咗咁多歷史之外 佢哋嘅生活都好值得我哋思考 一去到我問朋友點解佢哋唔着鞋 點解佢哋會唔着衫都唔覺得有咩問題 點解細路仔唔返學要出嚟兜售 點解一個細路仔我諗大約10歲要出嚟揸船帶我地參觀條村 點解好似咁多細路仔冇書讀 同時間亦都好多小朋友好細個一放學出嚟幫屋企人手做生意 雖然係咁 但我覺得佢哋好開心 呢個旅程另一覺得着 一路係tuk tuk 上面 你會發現好多小朋友會主動同你’Hello’ 你只要都同佢哋’Hello’ 佢哋已經好開心 觀察左幾日佢哋冇乜玩具可以玩 但只要幾個小朋友為埋一齊佢地已經好開心 見到佢哋追逐、一齊游水 我都唔知點解覺得好開心 雖然一個感覺上係一個好落後嘅城市 但我行咗幾日都覺得呢度治安都唔差 好多人都好有禮貌 酒店嘅職員有非常之Nice 發生咗啲小問題 佢哋都會盡力去配合我哋 同我地講you happy we happy （唔會覺得佢係交功課啲同你講） 其中一日我哋去跟團日出團 我哋嘅導遊非常之好 非常有禮貌解釋得非常之多 好似上緊歷史堂咁（英文太深我唔係全部都聽得明，我都盡力聽） 係回程嘅時候佢同我地喺度講柬埔寨嘅唔公平令到佢哋國民點點點點點嘅時候 竟然喊咗出嚟 呢一下成部車既人安靜哂 我感受到團友們都感受佢哋應該好無奈，乜都做唔到既慘 大家都好似有一個眼神俾返一個鼓勵領隊 同時間其實我都好開心因為呢一個團我識左一d新朋友，平時係香港唔會講英文嘅我會有機會同外國人涌通一下，因為佢哋唔會笑你佢哋會盡力了解你講乜嘢 去完呢個旅行之後 我發覺除咗我哋屋企無佢地咁大之外 其實樣樣野都好好 我哋有乾淨嘅水飲用、沖涼及洗衫 熱嘅時候有錢可以開冷氣令自己涼快 每個人都會有教育嘅機會 我哋有鞋着 仲成日有機會去旅行放眼世界 但係嗰邊嘅人我諗好多人都冇呢啲機會 我地真係要學識知足 而我哋冇嘅嘢就係人哋嘅笑容 人哋嘅善良 人哋嘅禮貌 題外話 最得意嘅去到柬埔寨見牛多過見狗 所有牛，狗，雞，貓都係超級瘦 而每一餐嘅嘢食我都覺得瘦到好un 今次去嘅時候我哋又見到晒人舉行既白/紅事 奇怪我唔明白點解佢哋白事又好紅事又好 都會播到啲音樂隔兩條街都聽到 基本上入邊嘅人我估係耳都聾埋🤔 真係好攪笑🤣 . #thaimui_cambodia . #hkig #hkg #窮有窮食 #foodblogger #blogger #hkiger #食在柬埔寨 #泰妹推介 #旅行 #siemreap #柬埔寨 #travel #angkorwat #cambodia #santravel

早前泰妹去左柬埔寨 表達能力好差既我,我去之後 真係有感而發 想講出嚟同大家分享一下 城市窮妹深度...

2018-07-15 13:36:10 有 7 人說讚